Momenti më i komentuar i edicionit të katërt të “Big Brother VIP Albania” ka qenë pa dyshim shpulla që Jozefin Marku (Jozi) i dha Gjestit në momentin e largimit të tij nga shtëpia.
Ky veprim tronditi si banorët brenda, ashtu edhe publikun jashtë, duke u kthyer në një ndër skenat më virale të sezonit.
Por edhe pse kanë kaluar disa javë nga ajo ngjarje, momenti vazhdon të gjenerojë reagime në rrjet. Dhe tani, Françeska Murati, ish-banore e “BBVA3”, ka ndezur sërish komentet me një video të veçantë.
Në një klip të shpërndarë së fundmi, Françeska shfaqet në një seancë stërvitjeje me Mario Olldashin, emër që është lakuar shpesh në media për një raport të mundshëm me Egli Takon – thashetheme që Egli i ka mohuar publikisht.
Por ajo që tërhoqi vëmendjen e publikut ishte një moment ku Françeska, me humor, e godet Marion me një shpulle, dhe ai reagon duke rënë në tokë, në një mënyrë që fansat e kanë krahasuar menjëherë me reagimin e Gjestit pas shpullës së Jozit.
Komentet nuk kanë munguar nga ndjekësit e saj, të cilët kanë përmendur pikërisht Gjestin dhe Jozin.
