Pas ndarjes që bëri shumë bujë në media, Elia Zaharia
ka folur për herë të parë publikisht për divorcin nga princ Leka dhe sfidat që e kanë shoqëruar në këtë periudhë.
E ftuar në emisionin “Rudina” në TV Klan, aktorja është treguar e rezervuar në detaje, por ka ndarë disa reflektime personale që kanë ngjallur vëmendje nga publiku.
Në një bisedë të ndjerë me Rudina Magjistarin, Elia zbuloi se pavarësisht vështirësive emocionale, ajo ka dalë nga kjo periudhë me një mësim të fuqishëm shpirtëror: “Dimensionin e faljes”.
“Do e them me një fjalë, Rudina: dimensionin e faljes. Kjo për mua nuk ka të paguar.” – u shpreh Elia, duke lënë të kuptohet se pas ndarjes nuk ka vend për urrejtje, por për reflektim dhe rritje personale.
Elia e pranoi se periudha që kaloi ka qenë komplekse dhe e mbushur me emocione të forta, por theksoi se forca e saj ka ardhur nga mbështetja e fortë familjare.
“Ka qenë një periudhë komplekse, por unë falënderoj Zotin çdo ditë për atë mbështetje që më ka dhënë familja ime, rrethi im. Unë jam me shumë fat, sepse prindërit e mi, familja ime, nuk janë vetëm familja ime, por janë edhe miqtë e mi më të mirë, me të cilët unë mund të ndaj çdo gjë gjërat e mira, gjërat e gëzuara. Them: “O Zot, duhet që t’i falënderojmë dhe t’i duam prindërit për aq kohë sa janë.”
Ajo që Elia vuri në qendër të vëmendjes ishte vajza e saj, e cila tashmë është prioriteti absolut:
“Unë dua që ajo të ndjehet ngrohtë shpirtërisht dhe të marrë dashuri nga të dyja krahët. Për mua kjo është e vetmja gjë që vlen.”
