Pas përfundimit të Big Brother VIP Albania, duket se një pjesë e së kaluarës së Gjestit po rikthehet në vëmendje.
Në emisionin Kosova Today, gazetari Agon Rexhepi ka sjellë një zhvillim të papritur: sipas tij, Gjesti është parë së fundmi në një takim privat me ish të dashurën e tij, Diellzën.
Ajo që ka ngritur dyshime për një afrim të mundshëm mes tyre është pikërisht një dhuratë simbolike që Gjesti i ka bërë Diellzës – një zinxhir, për të cilin gazetari tha se ka një domethënie të veçantë për çiftin.
Rexhepi shtoi se ky takim mund të jetë më shumë sesa një përshëndetje miqësore, sidomos duke marrë parasysh marrëdhënien e ngushtë që motra e Gjestit, Blerina, ka pasur me Diellzën ndër vite.
Nuk ka ende asnjë reagim publik nga vetë Gjesti apo Diellza, por fansat tashmë kanë nisur të spekulojnë se një ribashkim mes tyre mund të jetë shumë afër.
