Mbrëmja e djeshme në “Big Brother VIP Albania” solli emocione të forta dhe tensione për banoren Egli Takon, pas transmetimit të një video prekëse që tregoi linjën e jetës së saj.
Pas publikimit të saj, Egli u ftua në dhomën e surprizave, ku e priste një moment i papritur, aty ndodhej ish-partneri i saj, Olsi Bylyku.
Takimi mes dyshes u zhvillua në një atmosferë të ngrohtë dhe miqësore. Dikur ishin një nga çiftet më të komentuar të shoëbizit shqiptar, Egli dhe Olsi shkëmbyen një përqafim të sinqertë, i cili jo vetëm që pasqyroi emocionet e momentit të bukura, por gjithashtu theksoi respektin e thellë që ata kanë ruajtur për njëri-tjetrin, pavarësisht ndarjes së kaluar.
Olsi i mbushur me emocion, i shprehu Egli Takos: “Të ndjek çdo ditë, u kënaqa. Ajo që më ka befasuar më shumë është mirënjohja që ke pasur. Në fakt jam shumë falënderues dhe besoj që ndoshta marrëdhënia jonë që kemi pasur u bë pak më e madhe sesa ne vetë” u shpreh Olsi me emocion.
Nga ana tjetër, Egli e prekur, i tha Olsit: “Kur jam ndarë, e kam kërkuar shumë këtë takim që të ndodhte dhe nuk ndodhi kurrë. Dhe se si po më duket që po ndodh këtu tani… ndaj jam pak e konfuzuar sepse nuk e prisja fare, fare këtë takim këtu” .
Ky takim u vlerësua si një shembull i mrekullueshëm i pjekurisë emocionale dhe respektit që ata kanë dhe pas ndarjes. Duke treguar se ndarjet nuk duhet të sjellin përçarje, por mund të shërbejnë si bazë për një miqësi të sinqertë dhe të qetë.
