Një ngjarje e papritur ka ndodhur mbrëmjen e djeshme në Ferma VIP 2.
Shtëpisë iu bashkua një konkurrente e re, Danela Shima, duke sjellë një tjetër kthesë në dinamikat e spektaklit.
Por ajo që mori vëmendjen e rrjeteve sociale nuk ishte hyrja e saj, por një detaj që i shpëtoi produksionit.
Danela hyri në fermë me një orë në dorë, një aksesor i ndaluar për të gjithë konkurrentët që jetojnë në izolim të plotë dhe pa informacion nga jashtë.
Ky veprim ka ngjallur reagime të shumta online, pasi shkel rregullat bazë të reality show-t. “Si ka mundësi që askush nuk e vuri re këtë gjë?”, pyesin komentuesit në rrjet.
Në spektakle të mëdha si Big Brother VIP Albania, Ferma apo formate të ngjashme, aksesorët si ora, telefoni apo çdo pajisje që tregon kohën ndalohen rreptësisht.
Kjo është hera e parë që një situatë e tillë ndodh në një program të këtij lloji në Shqipëri.
