Mbrëmjen e djeshme, një ngjarje e rëndë është regjistruar në Tiranë, ku siç shihet edhe nga pamjet e mëposhtme, katër automjete janë përplasur me njëri-tjetren pranë urës tek “Pallati me Shigjeta”.
Pas aksidentit, drejtuesit e automjeteve janë përfshirë në një sherr me leva hekuri.
Një automjet tip “BMW X5” me targa angleze ka qenë duke ndjekur me shpejtësi një mjet tip “Mercedes-Benz” me targa AB 090 FA.
Gjatë ndjekjes, është raportuar për të shtëna me armë zjarri, ndërsa mjetet në fjalë kanë aksidentuar edhe dy automjete të tjera, përkatësisht një “Volvo” dhe një makinë blu që ndodheshin në rrugë.
Pas përplasjes, autorët kanë braktisur automjetet e tyre mbi urë dhe kanë vijuar ndjekjen në këmbë, të armatosur me leva hekuri dhe pistoleta, duke përhapur panik në zonë.
Shoferi i “Mercedesit është parë duke vrapuar nëpër lagje për t’i shpëtuar ndjekjes, ndërsa personat në automjetin tip “BMW X5” janë parë duke e ndjekur me armë në dorë, sipas raportimeve të banorëve. Aktualisht, nuk dihet për persona të plagosur, por mësohet se dy persona janë shoqëruar në komisariat.
