Kënga “E duam lumturinë” e Parashqevi Simakut, që ka bërë bujë për më shumë se 9 vjet në platformën YouTube, ka arritur pothuajse 6 milionë shikime,
edhe pse ishte ngarkuar në një kanal jozyrtar. Gjatë javës së fundit, interesimi për këtë këngë është shtuar ndjeshëm, duke arritur mbi 200 mijë klikime, për shkak të lajmeve që rrethojnë këngëtaren në SHBA.
Megjithatë, është e vështirë të thuhet se Parashqevi Simaku ka përfituar ndonjëherë financialisht nga këngët e saj. Ajo që ka ndodhur së fundmi është disi e pazakontë: versioni i vjetër i këngës me miliona klikime është fshirë nga YouTube, ndërsa një version i ri është ngarkuar ditët e fundit në kanal zyrtar të Pirro Çakos.
Duket se tani të drejtat e menaxhimit të këngës “E duam lumturinë” janë kaluar tek kompania “FOLÉ”. Kënga është krijuar nga kompozitori Pirro Çako dhe teksti i saj është shkruar nga poeti i ndjerë Agim Doçi.
