Eliona Pitarka, aktorja e njohur dhe e dashur nga publiku, ka ndarë me ndjekësit e saj në Instagram lajmin e mrekullueshëm se është sërish në pritje të ëmbël.
Me një postim emocionues dhe plot pozitivitet, ajo ka konfirmuar se familja e saj është gati të mirëpresë fëmijën e tretë.
Në një video të këndshme, ku aktorja shfaqet duke kërcyer plot hare së bashku me partnerin e saj, dëgjohet audioja shoqëruese: “Ups, e bëra prapë”, një detaj që reflekton humorin dhe gëzimin e çiftit.
Përmes përshkrimit të postimit, Eliona e ka bërë lajmërimin edhe më të veçantë: “Bebi nr. 3 është rrugës”, duke emocionuar fansat e saj dhe duke marrë urime të shumta nga ndjekësit dhe miqtë.
Ky është një tjetër kapitull i bukur në jetën e aktores, e cila vazhdon të ndajë momentet më të rëndësishme dhe të lumtura me publikun e saj.
