Ish-finalisti i “Big Brother VIP Albania” Laert Vasili ka qenë i ftuari i radhës në “Shqipëria Live”
teksa ka folur lidhur me raportin e shumëpërfolur me Valbona Mhillin si dhe fituesin e këtij edicioni, Gjestin.
Aktori nuk ka lënë pa thumbuar këngëtarin ndërsa rendit me ironi arsyet që bënë publikun të votonin masivisht për Gjestin. Laert Vasili e ka cilësuar Gjestin një analfabet funksional, i cili dërgoi në shtëpi një vajzë me gjendje të rënduar psikologjike, referuar këtu Eglit, nuk arriti të shkruante një tekst kënge apo të regjistronte një të tillë.
“Ai e meritoi në mënyrë absolute fitoren, shkatërroi gjithë shtëpinë, çoi një vajzë në gjendje të rënduar në shtëpi, ai bëri gjithçka. Unë jam tjetër njeri. Di që është futur nja tre katër herë në dhomën e rrëfimit për të regjistruar një dy-tre këngë, nuk regjistroi asgjë, patëm për të shkruar një tekst për Banaking, nuk shkruajti asnjë varg, por ja që publiku paska këtë preferencë. Një analfabet funksional, ndaj është më e bukura ‘notën e mirë’”, tha Laerti.
Ndër të tjera Laerti ka sqaruar dhe marrëdhënien e tij me gazetaren Valbona Mhilli, teksa tha se sot nuk ka më asnjë raport me të.
“Asnjë marrëdhënie nuk ka sot me Valbonën. Ishte një njohje që nisi me vendim të saj, kaloi në pëlqim. Luhatjet e humorit bënë që çdo dy tre ditë të thoshte ‘sukses në jetë’. Përdori fjalë të rënda, e kam falur, nuk pranoi darkën, e kam falur, doja të sqaroheshim tha jo… a do ta njoh jashtë? Në kishë shkojnë njerëzit dhe fal Perëndia pa fund, njeriu ka një limit”, u shpreh ai duke lënë të kuptohet se mes tyre nuk do të ketë asnjë marrëdhënie as në të ardhmen.
