Një aksident i rëndë ka ndodhur ditën e sotme në aksin rrugor Thumanë-Fushë Krujë.
Sipas burimeve, drejtuesi i automjetit ka qenë duke ecur me shpejtësi dhe ka marrë përpara këmbësorin 77-vjeçar Rexhep Tamizi, i cili për pasojë ka humbur jetën.
Gjithashtu, shoferi është larguar nga vendngjarja, ndërsa policia është duke punuar për zbardhjen e plotë të rrethanave.
Njoftimi i policisë:
Krujë/Informacion paraprak
Rreth orës 12:30, në autostradën “Lezhë-Fushë Krujë”, një automjet me drejtues ende të paidentifikuar, ka përplasur këmbësorin, shtetasin R. T., 77 vjeç, i cili si pasojë ka humbur jetën.
Shërbimet e Policisë dhe grupi i posaçëm hetimor, po punojnë në vendngjarje, për të identifikuar drejtuesin e automjetit që ka përplasur shtetasin R. T., si dhe për të sqaruar rrethanat e aksidentit.
