Detaje të reja kanë dalë në dritë mbi ngjarjen tronditëse të ndodhur mesditën e sotme në Shkodër
ku një i ri 20-vjeçar është gjetur i vrarë me armë zjarri në oborrin e shtëpisë së tij.
Ekspertiza ka zbuluar se i riu është qëlluar me një plumb në gjoks nga një pistoletë, ndërsa në vendngjarje është gjetur dhe sekuestruar një gëzhojë, e cila do të shërbejë për analizat balistike dhe identifikimin e armës së krimit.
Burime për media kanë bërë me dije se 20-vjeçari Pavlin Preka jetonte i vetëm në banesën dy katëshe në fshatin “Guci e Re” të Shkodrës, ndërsa prindërit e tij ishin të divorcuar.
Pavlin Preka është gjetur i pajetë në oborrin e shtëpisë nga xhaxhai i tij. Vijonë të mbeten ende një mister rrethanat e kësaj ngjarje, ndërsa policia po punon për dokumentimin e plotë ligjor të situatës.
Njoftimi i Policisë:
Shkodër/Informacion paraprak
Rreth orës 14:50, në fshatin “Guci e Re”, është gjetur pa shenja jete shtetasi P. P., rreth 20 vjeç, dyshohet i vrarë me armë zjarri.
Menjëherë në vendngjarje kanë shkuar shërbimet e Policisë dhe grupe të Forcës Kombëtare të Sigurisë, Njësia Shkodër.
Ndërkohë ëdhtë ngritur një Grup i posaçëm hetimor dhe nën drejtimin e Prokurorisë po punon intensivisht për sqarimin e rrethanave, dokumentimin ligjor, identifikimin dhe kapjen e autorit/ve.
