Pas përfundimit të rrugëtimit në Big Brother VIP 5, Miri ka folur në një intervistë për revistën Bordo, ku ka ndarë përshtypjet për eksperiencën në reality show, mbështetjen që ka marrë nga familja dhe komentet që e shoqëruan gjatë qëndrimit në shtëpi.
Artisti u shpreh se hyrja në format i dha mundësinë publikut ta njihte përtej imazhit të krijuar ndër vite si pjesë e West Side Family. “Kam hyrë si Miri i West Side Family, por brenda kam qenë më shumë Miri. Besoj se dola Miri i vërtetë i West Side Family,”– tha ai.
Sipas Mirit, momentet më të veçanta gjatë qëndrimit në shtëpi ishin surpriza nga vajza dhe takimi me familjen në natën finale. Ai vlerësoi gjithashtu rolin e bashkëshortes, duke thënë se ishte mbështetja e tij më e madhe gjatë gjithë eksperiencës.
“Ka qenë fansja numër një, por dhe ka qenë mbështetja ime më e madhe dhe para se të hyja, sepse kam diskutuar me të se si mund të shkojë jetesa ime në Big. E ka analizuar shumë mirë. Në fakt kur dola jashtë e kuptova se ç’kishte bërë dhe ajo jashtë sepse kam përshtypjen që ky Big Brother ka pas tre situata të forta. Domethënë Bigu brenda banorëve Bigu që ishte tek opinionistët edhe Bigu nëpër shtëpia me familjarë. Edhe unë të paktën kam parë jashtë që bashkëshortja ime ka luajtur një rol shumë të fortë dhe ka bërë një Big shumë të fortë edhe jashtë dhe e ka analizuar shumë mirë lojën time që kam bërë brenda. Kështu që më ka komplimentuar për atë që kam bërë dhe unë faktikisht them që ajo e ka kuptuar më sakt nga të gjithë kush e ka parë nga jashtë.”
I pyetur për komentet se opinionistja Monika Kryemadhi e kishte mbështetur për shkak të miqësisë mes tyre, Miri e mohoi këtë interpretim.
“E kam kuptuar mirë kur isha në Big, por edhe e kam parë tani që kam dalë që është diskutuar shumë që ajo më ka mbrojtur mua se më kishte mik apo kemi shoqëri me njëri-tjetrin. Kam përshtypjen që nuk është kështu. Domethënë unë e mendoj ndryshe. Unë e mendoj që ajo ka mbrojtur atëhere kur duhej të më mbronte, sepse kam pasur gjykime të forta, nuk e di, kam qenë më i gjykuari në këtë me këtë Big dhe ajo më ka mbrojtur atëhere kur duhet dhe më ka kritikuar dhe në disa raste që ajo e shikonte të arsyeshme. Kështu që nuk besoj që meqë më kishte mik më ka bërë mbrojtje. Besoj se ka shkuar me të vërtetën ashtu siç e ka menduar ajo, se e kam thënë shpesh edhe kur isha në Big, ajo është zëri i popullit, pavarësisht se është politikane edhe di se si të manovroj me fjalën, por unë e kam parë edhe në jetën politike. Ajo gjithmonë ka folur si njeri, si zë i popullit dhe mbrojtjen që më ka bërë mua e ka bërë duke e menduar se si e gjykon publiku lojën time apo mënyrën se si jam sjellur në Big.”
Miri u ndal edhe te kritikat që mori gjatë qëndrimit në shtëpi, duke thënë se e kanë lënduar perceptimet që, sipas tij, nuk përputheshin me realitetin, veçanërisht ato që lidhen me raportin e tij me Selin.
“Po më ka prekur për shembull gjykimi që më është bërë për veprime që perceptoheshin sikur ishin ashtu siç janë thënë se nuk dua t’i përmend. Edhe kur nuk është kështu dhe ti komentohesh vetëm në bazë të një perceptimi apo komentesh që mendoj që janë të ushqyera nga një ku di unë po them në thonjëza urrejtje e madhe karshi personazhit tim kjo të lëndon sepse nuk është e vërteta ashtu dhe domethënë të gjykohesh dhe të sulmohesh për veprimet që ti nuk i ke bërë.”
Në fund të intervistës, ai tha se fitimi më i madh nga pjesëmarrja në Big Brother VIP nuk ishte fama, por vlerësimi i publikut. “Kam fituar respektin e njerëzve që duan të shohin në televizion qytetari, kulturë, qetësi dhe dashuri mes njerëzve. Kjo është fitorja ime më e madhe,” përfundoi ai.
