Meteorologia e njohur, Lajda Porja, ka qenë e ftuar në studion e “Wake Up”, ku ka bërë një parashikim të motit për javën dhe jo vetëm.
Sipas saj, kur flasim për temperatura të larta dhe verë të nxehtë, është e pashmangshme që të mos flasim për stuhitë.
“Pas një periudhe shumë të gjatë që ne do të kemi për gjatë verës, më e rrezikuar do të jetë patjetër vjeshta, shtatori, tetori dhe nëntori”, tha Porja.
Meteorologia u shpreh se përgjatë kësaj jave do të kemi temperatura shumë të larta, 37-38 gradë.
Do të ketë reshje shiu? Parashikimi i motit për sot: Prej orëve të mesditës…
Pjesë nga biseda:
Lajda: Kur flasim për temperatura të larta dhe verë të nxehtë, është e pashmangshme të mos flasim për stuhitë, stuhitë tropikale, stuhitë ciklonare.
Heidi: Po shikoj që super “El Nino” mund të sjellë 5 vite rresht nxehtësi ekstreme, cila është pastaj rrezikshmëria e reshjeve që pasojnë pas kësaj?
Lajda: Pas një periudhe shumë të gjatë që ne do të kemi për gjatë verës, më e rrezikuar do të jetë patjetër vjeshta, shtatori, tetori dhe nëntori. Sepse kjo pasohet, ku do kemi reshje intensive, intensitet të lartë, në një periudhë ku vetëm disa orë mund të sjellin dhe përmbytje. Përmbytjet edhe pse janë të përkohshme sepse më pas mund të kemi sërish diell, sjellin këto fenomenet që kanë një shkallë agresiviteti akoma më të lartë, avullimi dhe konvencioni është shumë më i lartë kur temperaturat janë më të larta. Kemi raste, kryesisht në zonat malore që janë, tek ne do të jetë e gjithë zona lindore e rrezikuar, duke përfshirë Tiranën, Elbasanin, Librazhdin, juglindja sidomos, Qarku i Korçës do të jetë gjithmonë i rrezikuar nga stuhitë e erës, stuhitë e breshrit dhe stuhitë me rrebeshe. Më pak e ekspozuar do të jetë vija bregdetare, do të jetë më e qëndrueshme. Megjithatë edhe në bregdet është e pashmangshme që të kesh për 30-40 minuta një rrebesh, një stuhi të fortë dhe më pas një diell që jetë prapë i fortë.
Blendi: Kur ka këto rrebeshet e shiut, kur ke intensitet të lartë, kemi parë në të kaluarën që shpeshherë bllokojnë dhe rrugët, rrëshqitjet e dheut.
Lajda: Patjetër, e ajo çfarë është më e rrezikshme është që për shembull edhe përgjatë kësaj jave ne do të kemi temperatura shumë të larta, pra e gjithë java do të jetë e vlerës 37-38, do të ketë zona të izoluara që mund të shënojnë afërsisht 39 gradë. Janë zonat e mbi Shkodrës, Ura Vajgurore, Belshi, Cërriku apo Lazarati në Gjirokastër. E më pas e gjithë zona malore, që nga Bajram Curri, Puka, Kukësi, Bulqiza, Burreli, Qarku Pogradec, Korçë, Ersekë, Përmet, Tepelenë, çdo pasdite do të ketë rrebeshe, janë zonat më të rrezikuara duke përfshirë edhe Elbasanin dhe Tiranën, që ndonjë pasdite të kemi këto rrebeshe. Zonat malore janë gjithmonë të ekspozuara ndaj rrëshqitjeve të dherave, ndaj breshrit në juglindje që mund të prishë shumë probleme në bujqësi. Ndaj shirave intensive që në shumë zona mund të sjelli përmbytje, kjo edhe për shkak se infrastruktura e rrugëve tona mund të mos jetë i përgatitur për një rrebesh i cili zgjat 30-40 minuta por ka një sasi të konsiderueshme të reshjeve. Toka e thatë prej shumë kohësh i bie t’a ketë të papërballueshme për t’a përthithur të gjithë lagështirën. Megjithatë janë përmbytje të përkohshme sepse kemi sërish diell dhe tërheqje të ujërave, kuptohet kur funksionojnë kanalizimet dhe çdo gjë të jetë në rregull.
