Drama brenda dhe jashtë shtëpisë së “Big Brother” vazhdon të intensifikohet,
teksa këtë herë prindërit e Loredanës kanë ndarë hapur mendimet e tyre për lidhjen e saj me Jozin.
Babai dhe nëna e saj kanë folur në një intervistë për “Big Brother Fan Club”, duke treguar qartë se nuk janë aspak të kënaqur me dinamikën mes çiftit.
Babai i Loredanës e nisi fjalën duke theksuar se e bija nuk po paraqitet ashtu siç duhet në lojë:
“Është në errësirë, nuk është në pozicionin e saj në ‘Big Brother’. Ajo duhet ta paraqiste më të pastër figurën e saj,” tha ai, duke shtuar se Jozi nuk është partneri i duhur për të.
Ndërkohë, nëna e Loredanës ndau mendimin e saj, duke vënë theksin te mungesa e respektit nga ana e Jozit:
“Një mashkull, në radhë të parë, duhet të respektojë femrën. Pastaj vjen dashuria dhe të gjitha të tjerat.”
Sipas prindërve, dinamika mes Loredanës dhe Jozit duket më shumë si një përdorim sesa një lidhje e mirëfilltë. Babai tha se sjellja e Jozit është kontradiktore:
“Një herë afrohet, një herë largohet. Ajo ka ndjenja më pak. Më tepër një përdorim.”
Nga ana tjetër, nëna u shpreh se Loredana tashmë po e kupton karakterin e Jozit:
“Loredana po e shikon këtë karakter të Jozit që nuk i pëlqen.”
Pavarësisht këtyre shqetësimeve, prindërit e Loredanës thonë se vendimi final i takon asaj. Ata duan vetëm që ajo të marrë një vendim të drejtë dhe të mos ndikohet nga emocionet e momentit.
“Ne do i hapim sytë, më pas ajo vendos,” tha nëna e saj, duke lënë të kuptohet se e gjithë kjo situatë është një mësim për të.
Një moment që i ka shqetësuar shumë prindërit ka qenë një skenë ku Loredana dhe Jozi janë parë duke shkëmbyer puthje në televizion.
Nëse do të vazhdojë lidhja mes Jozit dhe Loredanës, kjo mbetet për t’u parë. Por një gjë është e sigurt: prindërit e Loredanës kanë bërë të qartë qëndrimin e tyre.
E gjithë kjo mund të ndikojë jo vetëm në lojën e saj, por edhe në vendimet e mëvonshme jashtë shtëpisë së famshme.
