Një ngjarje tragjike ka tronditur Brazilin, ku një vajzë 6-vjeçare humbi jetën pasi u qëllua aksidentalisht nga vëllai i saj 12-vjeçar, i cili dyshohet se kishte gjetur një armë gjahu të mbushur brenda shtëpisë. Ngjarja ndodhi më 4 qershor në komunën rurale Pavão. Sipas hetimeve paraprake, djali mori armën që ndodhej në dhomën e prindërve dhe aksidentalisht shkaktoi të shtënën fatale.
Mjekët i hoqën aparaturat…/Shuhet aktori i njohur i “The Godfather: Part III”!
Viktima, e identifikuar si Isadora Fernandes Pereira dos Santos, u godit në kokë dhe ndërroi jetë në vendngjarje. Prindërit deklaruan se dëgjuan një të shtënë dhe vrapuan menjëherë drejt dhomës, ku gjetën vajzën të shtrirë në dysheme. Hetimet zbuluan më pas se armët nuk ruheshin në kushte të sigurta. Gjatë kontrollit në banesë, policia gjeti një tjetër armë zjarri, barut, fishekë të përdorur dhe një armë tjetër të fshehur jashtë shtëpisë. Autoritetet dyshojnë se fëmijët kishin qasje të lirë tek armët, ndërsa nëna e tyre, 35-vjeçarja Gerosina Fernandes Gomes, është arrestuar nën dyshimet se nuk ka marrë masat e nevojshme për të parandaluar aksesin e të miturve tek armët e zjarrit.
Këndoi në dasmën e Dua Lipës, Besnik Qaka tregon prapaskenat: “Ishte shumë…”
Ndërkohë, bashkëshorti i saj, pronari i armëve sipas mediave lokale, raportohet se është larguar dhe po kërkohet nga autoritetet. Policia thekson se, bazuar në provat e deritanishme, bëhet fjalë për një incident aksidental, por hetimet vazhdojnë si për vdekjen e vajzës së mitur ashtu edhe për armët e paligjshme të gjetura në pronë.
