Shumë njerëz kanë menduar që maji ishte një muaj i vështirë.
Megjithatë, sipas astrologes Meri Shehu, e cila ishte e ftuar këtë të hënë, më 1 qershor,
në emisionin “Rudina”, në qershor Jupiteri nga shenja e Gaforres kalon në shenjën e Luanit,
kalim ky i cili do të çojë në një ndryshim njëvjeçar të energjisë së Diellit.
“Nga Gaforrja, një shenjë e ndjeshme, shumë familjare, shumë nostalgjike dhe e cila i mbajti disa gjëra të pathëna,
tashmë do të kalojë në shenjën e madhërishme të Luanit, shenja e dashurisë, e gëzimit, e argëtimit, harmonisë dhe jetës. Do të shikojmë një ndryshim emocional shumë të madh gjatë muajit qershor.”
Astrologia Meri Shehu i renditi shenjat në këtë mënyrë:
Në vendin e 12, Bricjapi: Shumë të shenjës së Bricjapit do të ndjejnë një presion të madh këtë periudhë. E fillojnë muajin me debate familjare, kundërshtime në çift, disa gjëra që duhen sqaruar dhe fillojnë që në hyrje të muajit ta ndjejnë këtë gjë. Muaji qershor do të jetë i vështirë për Bricjapët dhe do të jetë një shenjë që do të mbajë ekuilibrat.
Në vendin e 11, Luani: Derisa Jupiteri të futet në shenjën e tyre në fund të muajit, shenja e Luanit do të ketë një bllokim psikologjik, do të ndihen si të tërhequr. Në këtë javë të parë do të ndeshin një çështje ligjore nga kundërshtimi i Mërkurit në Gaforre me Saturnin në Dash.
Në vendin e 10, Binjakët: Pavarësisht se do të kemi në datën 14 qershor një Hënë të re në shenjën e Binjakëve dhe Marsi që do të futet në shenjën e tyre në datën 28 do t’u japë shumë fuqi, por deri atëherë Binjakët kanë një prapaskenë, një armik të padukshëm, ka një pasiguri, ka një luftë me veten dhe një nervozizëm të fshehur. Binjakët do të mbajnë shumë tension dhe vështirësi.
Në vendin e 9, Shigjetari: Shigjetari do të jetë në një rrëmujë emocionale ose në takime dhe diskutime të shumta. Nuk janë në zonën e tyre të qetësisë sepse vijnë ndryshime të herëpashershme. Do të kenë ndryshime në plane dhe në projektet e tyre. Do të kenë probleme me punën, nervozizëm, por megjithatë pretendohet që të zgjidhin disa probleme në dashuri. Nga mesi i muajit e tutje do të jenë një shenjë e favorizuar.
Në vendin e 8, Dashi: Komoditeti i Dashit fillon në fund të muajit qershor, por deri atëherë do të kenë një debat familjar javën e parë sepse do të përmbysen siguria dhe emocionet familjare dhe do të fillojë një tendencë e Dashit të kontrollojë marrëdhëniet e njerëzve të afërt. Kemi një udhëtim të shkurtër nga data 13 qershor dhe një njohje me shikim të parë rreth datës 14-15 qershor. Dashuria do të marrë vrull në korrik e tutje.
Në vendin e 7, Virgjëresha: E fillojnë me pasiguri javën, por në shpirt janë më të ftohtë sepse kanë bërë një program dhe duket sikur çdo aktivitet që bëjnë, i del jashtë këtij programi sipas javës së parë. Do të përjetojnë një proces ngritjeje ekonomike nga data 13 e tutje me futjen e Afërditës në Luan. Duke fituar siguri ekonomike, shumë të shenjës së Virgjëreshës do të ndihen më mirë. Do të përjetojnë dashuri me Hënën e plotë në fund të muajit.
Në vendin e 6, Ujori: Ujori do të kërkojë një ndryshim të madh, ndryshim pune, aktiviteti dhe çdo plan që do të dalë, sado serioz, Ujori thotë se do të bëjë gjërat që dëshiron të bëjë dhe nuk do të pajtohet me një program rigoroz që i ka vënë vetes. Nga data 13-14 qershor, Hëna e re në Binjak i fut në një lojë erotike më të bukur, do të ndihen më të çliruar. Në fund të muajit, shenja do të ketë fat.
Në vendin e 5, Demi: Kjo shenjë do ta ketë Marsin në shenjën e tyre gjatë gjithë muajit dhe do të ndihen këmbëngulës, të nervozuar, do të duan që një projekt ta çojnë deri në fund. Megjithatë, Mërkuri në Gaforre tenton t’i bëjë ata të hapin biseda me njerëz të afërt, miqësi, të mësojnë diçka të re. Një thashethem do t’i çojë në debate të ashpra. Një çështje ekonomike hapet pas datës 13 qershor dhe një çështje familjare favorizohet.
Në vendin e 4, Peshorja: Peshorja ka një muaj shumë të rëndësishëm, shumë të bukur, edhe pse javën e parë e kanë me debate, një ndryshim pune, një debat me një epror apo t’i japin vendin dikujt ashtu siç i takon. Kemi një Peshore dinamike, të fortë, me debate pak më të ashpra. Nga data 13 qershor do të kenë një udhëtim, një komunikim pune shumë të mirë, një shkëlqim dhe një njohje pas datës 14 qershor. Jeta e tyre do të ndryshojë në mënyrë rrënjësore në fund të muajit.
Në vendin e 3, Akrepi: Kemi çështje ekonomike të rëndësishme në datën 13 qershor, në karrierë në datën 14 qershor. Karriera lulëzon në fund të muajit dhe ngrihen në pozicione të larta me Jupiterin në shenjën e Luanit.
Në vendin e 2, Peshqit: Peshqit do të bëjnë debate, dashuri javën e parë, por dashuria do të mbizotërojë gjatë gjithë muajit qershor dhe në fund të muajit u rikthehen nga e kaluara ish-at e tyre për të rregulluar situatat e tyre.
Në vendin e 1, Gaforrja: Është në muajin e fundit të fatit. Fati, nëse do t’i japë diçka që s’ua ka dhënë, do t’ua japë këtë muaj. Jupiteri është në datën 29 qershor në shenjën e tyre dhe ata që janë ndjerë pa fat deri më tani… të presin ditë të lumtura dhe me fat. Java e parë është me debate, kujdes në punë, kujdes në karrierë!
/tvklan.al
