Një lajm i trishtë ka ardhur këtë të diel Universiteti i Sporteve të Tiranës, ku përmes një reagimi zyrtar, institucioni ka bërë me dije se ka ndërruar jetë kolegu i tyre, Bujar Bundo, inxhinier pranë Drejtorisë së Shërbimeve Mbështetëse.
Në këtë mesazh të publikuar në rrjetet sociale, Universiteti i Sporteve të Tiranës shpreh dhimbjen e thellë për humbjen e një prej bashkëpunëtorëve të tij, duke vlerësuar kontributin dhe përkushtimin e tij ndër vite në shërbim të institucionit.
“Me hidhërim të thellë mësuam lajmin e ndarjes nga jeta të kolegut tonë të dashur, Bujar Bundo, inxhinier pranë Drejtorisë së Shërbimeve Mbështetëse në Universitetin e Sporteve të Tiranës”, thuhet në reagimin zyrtar.
Më tej, universiteti ka shprehur ngushëllimet më të sinqerta për familjen, të afërmit, miqtë dhe të gjithë ata që patën fatin ta njohin dhe të punojnë me të, duke ndarë dhimbjen për këtë humbje të rëndë.
Sipas njoftimit, ceremonia e varrimit do të zhvillohet nesër, më 1 qershor 2026, në qytetin e Përmetit, në orën 11:00.
Njoftimi i plotë:
Me hidhërim të thellë mësuam lajmin e ndarjes nga jeta të kolegut tonë të dashur, Bujar Bundo, inxhinier pranë Drejtorisë së Shërbimeve Mbështetëse në Universitetin e Sporteve të Tiranës.
Universiteti jonë shpreh ngushëllimet më të sinqerta për familjen, të afërmit, miqtë dhe të gjithë ata që patën fatin ta njohin dhe të punojnë me të.
Homazhet në nder të tij do të mbahen sot pranë Shtëpisë së Funeralit “Globe”, ndërsa varrimi do të zhvillohet nesër në datë 01/06/2026 në qytetin e Përmetit në orën 11:00.
