Një zhvillim i papritur po qarkullon së fundmi rreth Ferma VIP, duke ngritur pikëpyetje mes fansave të formatit.
Edhe pse në fillim të këtij edicioni u la të kuptohej se gara do të zgjaste plot 100 ditë, raportime të fundit sugjerojnë se produksioni mund të ketë ndryshuar planet.
Sipas informacioneve të publikuara nga media rozë, finalja e madhe pritet të zhvillohet në mesin e muajit qershor, me datat 15 ose 19 qershor që përfliten si alternativat më të mundshme për mbylljen e spektaklit dhe shpalljen e fituesit.
Nëse kjo rezulton e vërtetë, atëherë sezoni aktual do të zgjasë rreth 80 e disa ditë, duke iu afruar formatit të sezoneve të mëparshme dhe jo 100 ditëve të paralajmëruara fillimisht.
Një nga arsyet që përmendet për këtë vendim lidhet me nisjen e sezonit veror dhe interesin e madh të publikut për eventet sportive që pritet të dominojnë ekranet gjatë muajve të verës.
Megjithatë, deri në një konfirmim zyrtar nga produksioni, këto mbeten vetëm raportime dhe spekulime që kanë ngjallur interes të madh mes ndjekësve të reality show-t.
Nëse informacioni konfirmohet, finalja e këtij edicioni mund të jetë shumë më afër sesa e kishin menduar fermerët dhe publiku.
