Një mbrëmje e fortë, e mbushur me debate dhe zhvillime të papritura, ka shënuar spektaklin e radhës në Ferma VIP.
Pas një rrugëtimi të gjatë në këtë format televiziv, Vanesa është eliminuar përfundimisht nga gara, duke lënë pas shumë emocione.
Ndarja ishte veçanërisht e vështirë për të dhe partnerin e saj, Indrin, të cilët nuk i mbajtën dot lotët teksa përshëndeteshin me njëri-tjetrin.
Megjithatë, dinamikat e lojës ndryshuan me shpejtësi. Largimi i Vanesës u pasua nga dy hyrje të reja në shtëpi: Sorgini dhe Klevisa. Kjo e fundit arriti të kapë menjëherë vëmendjen e publikut dhe të banorëve me një kërkesë mjaft të guximshme.
Teksa po priste të futej në fermë, Klevisa kërkoi në mënyrë specifike që të shoqërohej pikërisht nga Indri, menjëherë pasi partnerja e tij sapo kishte lënë garën.
Me këtë lëvizje të mirëmenduar, Klevisa ka treguar qartë se ka hyrë fuqishëm në lojë. Tashmë mbetet për t’u parë se si do të rrjedhin ngjarjet brenda fermës dhe nëse Indri do të përballojë distancën me Vanesën, duke pasur parasysh edhe provokimet e hapura nga banorja më e re e shtëpisë.
