Kryeministri Edi Rama ka reaguar për aksidentin e rëndë të ndodhur në Durrës, ku humbën jetën dy fëmijë, ndërsa një i tretë ndodhet në gjendje të rëndë te Spitali i Traumës.
Në një reagim në rrjetin social X, Rama shprehet se e mësoi lajmin sapo mbërriti në Erevan rë Armenisë për takimin e Komunitetit Politik Europian, duke e cilësuar ngjarjen si një tragjedi të pangushëllueshme.
Ai lutet për shpirtrat e dy fëmijëve që humbën jetën dhe shpreh mbështetje për prindërit, duke u uruar forcë për të përballuar dhimbjen. Po ashtu, kryeministri i uron shërim të shpejtë fëmijës së plagosur që ndodhet në spital.
Reagimi i Ramës:
Sapo kemi zbritur në Erevan të Armenisë për Komunitetin Politik Europian dhe kam mësuar për tragjedinë e pangushëllueshme të humbjes së dy fëmijëve, ndërkohë që fëmija i tretë lufton për jetën nën kujdesin e mjekëve. Zoti bekoftë dy shpirtrat e vegjël, u dhëntë forcën e jashtëzakonshme prindërve për t’i mbijetuar dhimbjes së madhe, ndërkohë që bashkohem në lutjet për shërimin e fëmijës në spital.
