Mbrëmja e djeshme në Big Brother VIP Albania 5 nuk ishte për ata me zemër të dobët. Një nga protagonistet më të forta dhe më të përfolura të këtij sezoni, Brikena, përfundoi rrugëtimin e saj në një moment kritik, vetëm pak ditë para finales së madhe të 18 prillit. Përballja “kokë më kokë” me Rogertin i mbajti të gjithë para ekranit, por në fund ishte ky i fundit që preu biletën e shumëdëshiruar si finalisti i katërt.
Ky vendim shkaktoi menjëherë një “tërmet” komentesh dhe një seri reagimesh masive në rrjetet sociale, duke ndarë publikun në dysh.
Por ndërkohë që rrjeti ziente, brenda shtëpisë situata ishte krejt tjetër. Pas fikjes së dritave të Prime-it dhe mbylljes së transmetimit, Mateo është parë thellësisht i prekur. Pamjet e tij duke qarë dhe i dërrmuar nga largimi i Brikit treguan anën tjetër të medaljes së këtij eliminimi.
Megjithatë, nëse Mateo ishte duke derdhur lot brenda, Brikena po tregonte dhëmbët jashtë.
Mbështetja e saj nuk ka vonuar asnjë sekondë sapo mori telefonin në dorë. Që prej orës 4 të mëngjesit, i vetmi postim origjinal në Story-n e saj në Instagram, përpos një lumi ripostimesh, i dedikohej ekskluzivisht betejës së Mateos për çmimin e madh.
Me një foto të publikuar ku tregohet grafika e votimit për katër finalistët — Mateo, Miri, Rogert dhe Selin — Brikena e ka theksuar qartë se ku anon peshorja. Ajo ka vendosur zemra rreth portretit të Mateos dhe i ka bërë thirrje të hapur ndjekësve për mbështetje: “TË VOTOJMË FITUESIN E PADISKUTUESHEM!”.
Një mesazh i shkurtër, por i qartë: loja e Brikenës mund të ketë përfunduar fizikisht në atë shtëpi, por fushata e saj për të dashurin sapo ka nisur.
