Nata e dytë e spektaklit drejtpërdrejt të “Ferma VIP 3” ka nisur me tensione të forta dhe përplasje të menjëhershme mes konkurrentëve.
Qendra e vëmendjes në minutat e para ka qenë një debat i ashpër mes Akilit dhe Blerinës, i cili ka shkaktuar edhe ndërhyrjen e moderatores Arbana Osmani.
Gjatë diskutimit, Blerina ka theksuar se ndërkohë që banorët e tjerë po përcjellin pozitivitet në fermë, duke treguar art, këndim dhe duke zhvilluar biseda interesante, Akili po shfaq vazhdimisht vetëm një anë negative.
Kjo ka sjellë reagimin e ashpër të këtij të fundit, sidomos pasi Blerina i është drejtuar duke i thënë se nuk janë në të njëjtin nivel.
I fokusuar te kjo deklaratë, Akili ka anashkaluar pyetjet e moderatores mbi zanafillën e sherrit, duke iu kthyer Blerinës disa herë rresht me fjalët: “Çfarë niveli jam unë?”.
Në këtë moment, e indinjuar nga mungesa e vëmendjes dhe ngritja e toneve, Arbana Osmani ka ndërhyrë për të marrë situatën nën kontroll.
Moderatorja i është drejtuar Akilit duke i thënë saktësisht: “Nuk po marr përgjigje Akil, po marr ‘ça niveli, ça niveli, ça niveli’, është emision tjetër ai, nuk është ky”.
Kjo deklaratë e Arbanës është lexuar menjëherë nga publiku si një “kunjë” e qartë dhe e drejtpërdrejtë ndaj rivalit televiziv, “Big Brother VIP”.
Kjo pasi formati i BBVA shpesh herë vendos në qendër debatet e forta dhe të zhurmshme mes banorëve, të cilat jo rrallëherë kanë përfunduar në ofendime të rënda, një frymë që moderatorja duket se kërkon ta mbajë rreptësisht jashtë dyerve të “Ferma VIP”.
