Pas zhurmës së madhe që pushtoi rrjetin ditën e djeshme lidhur me përjashtimin e tij nga emisioni “Për’puthen”,
aktori dhe opinionisti Laert Vasili ka bërë reagimin e tij të parë, ndonëse në mënyrë të tërthortë dhe mjaft ironike.
Në vend të një sqarimi publik apo ndjesë për incidentin e pazakontë, Vasili ka zgjedhur të përdorë gjuhën e simboleve përmes një postimi në Instagram.
Në Story-n e publikuar, ai shfaqet i ulur në kolltukun e opinionistit, i relaksuar dhe duke qeshur, por detaji që ka marrë vëmendjen është muzika në sfond.
Aktori ka zgjedhur kolonën zanore ikonike të filmit “The Godfather” (Kumbari), konkretisht versionin “Udes Beats”.
Kjo zgjedhje është interpretuar si një mesazh sfidues ndaj situatës dhe kritikave. Melodia dramatike dhe pa tekst duket se përforcon idenë se ai ndihet superior ndaj “zhurmës” mediatike, duke e pozicionuar veten si një figurë të paprekshme ose indiferente ndaj pasojave, ashtu si personazhet e filmit të famshëm.
Ky reagim vjen pas raportimeve se Laert Vasili është përjashtuar nga programi për shkak të një veprimi të pakontrolluar në studio. Burime bëjnë me dije se ai ka puthur papritur në buzë konkurrenten Esme pa dëshirën e saj, një veprim që shkaktoi shok te të pranishmit dhe solli largimin e tij të menjëhershëm nga formati.
