Prapavija e Mërkurit më në fund ka përfunduar dhe shenjat e zodiakut mund të çlirohen paksa nga pengesat.
Por kjo nuk nënkupton se java do të jetë plotësisht e qetë dhe e paqtë. Meri Shehu parashikon në programin”Rudina” në Tv Klan, trazira për shenjat e ndryshueshme si Binjakët, Virgjëresha, Shigjetari e Peshqit.
Ndikimi i hënës së plotë nxit reflektimin, por çdo shenjë ndien diçka që e shqetëson dhe sjell disa zhgënjime. Përgjithësisht, data e 20 dhjetorit njëfarë ndikimi pozitiv apo një lajm të bukur.
Meri Shehu: Patëm fatin që mbrëmë të kishim një qiell të pastër dhe shijuam hënën e plotë aq të bukur, aq të mrekullueshme, aq të ndritshme që ishte në shenjën e Binjakëve. Hëna e plotë është pak zhgënjyese sepse Neptuni nga Peshku bën punën e vet dhe është në kuadrat me hënën e plotë, do të zhgënjejë Binjakët, Peshqit, Shigjetarët dhe Virgjëreshat sidomos të lindurit në 10-ditëshin e tretë. Mërkuri nga nesër nuk është më i kundërt, është në Shigjetar, çliron udhëtimet, çliron pengesat, mund të shkojmë në vende të reja e të pashkelura.
Dashi – 2 yje
Efekti i hënës së plotë sjell disa thashetheme, zhgënjime në ëndrra dhe planet sekrete, në çështjet mistike dhe gjërat shpirërore. Kujdes pak shëndetin. Data 18 është e vështirë edhe më shumë.
Demi – 3 yje
Pavarësisht një zhgënjimi ekonomik, në shoqëri, miqësi dhe qëllime, rreth datës 20 do të marrin një lajm të mirë sepse Afërdita në Ujor do të bëjë një lidhje të bukur me Jupiterin në Binjak dhe ndoshta rregullohet ekonomia e kemi një ecuri më pozitive.
Binjakët – 4 yje
Hëna e plotë në shenjën e tyre është e mrekullueshme, ka qenë shumë e bukur, kujdes të lindurit në 10-ditëshin e tretë me karrierën, punën dhe dëshirat utopike sepse tentojnë të realizohet diçka e madhe por mund të zhgënjehen dhe mund mos ta gjejnë dot më drejtimin dhe rikthimin ku duhet. Marsi është i kundërt, Mërkuri është pezull, nga nesër kthehet në të drejtë dhe është në Shigjetar.
Gaforrja – 2 yje
Me çështjet ekonomike duhet të shohë qetësi e rregull. Rreth datës 20 ka një përmirësim të dukshëm dhe një takim erotik të bukur. Hëna e plotë s’ishte një simbol i mirë për planet, punën e prapaskenat ose kanë zbuluar diçka shpirtërore që i ka vënë ose mund t’i vërë në dilemë për ecurinë e mëtejshme.
Luani – 1 yll
Hëna e plotë është shumë e bukur por nuk u jep rendiment të mirë në planet e projektet e tyre, sidomos ekonomike, në botën shpirtërore, në largpamësi dhe ndihen të bllokuar. Të lindurit në 10-ditëshin e tretë duhet të kenë kujdes sesi u besojnë miqve e shokëve ose vetes sepse mund t’i ngatërrojë e bëjë lëmsh në projekte të rëndëisshme.
Virgjëresha – 2 yje
Lidhur me shtetin, punët, hëna e plotë ka hapur një dritë të madhe por është shumë zhgënjyese, sidomos në një bashkëpunim të rëndësishëm dhe disa të lindur në 10-ditëshin e tretë mund të kenë zhgënjim ose kthim mbrapa në punë, menaxhim ose marrëdhëniet në çift.
Peshorja – 3 yje
Kombinohet bukur me Binjakët dhe në datën 20 Peshoret, Ujorët dhe Binjakët do të kenë ditën më me fat sepse favorizohen në dashuri, ekonomi dhe projekte të rëndësishme. Mërkuri nuk është më i kundërt dhe disa plane e projekte do të ecin mirë.
Akrepi – 3 yje
Ata që kishin pengesa në çështjet ekonomike me Mërkurin e kundërt, planet e tyre, fillojnë të çlirohen nga nesër, por ka diçka shpirtërore që nuk po i kompenson dhe hëna e plotë ishte shumë e bukur, shumë e ndritshme por marrëdhëniet me Binjakët e Shigjetarët duhen parë me qetësi këtë javë.
Shigjetari – 4 yje
Hëna e plotë ishte përballë shenjës, u dha shkëlqim, ndikim e çudi në jetën e tyre, një kthesë të mirë. Data 20 mund të jetë shumë më pozitive për çështje bashkëpunimesh ekonomike dhe privatësinë e tyre. Të lindurit në 10-ditëshin e tretë nuk e kanë mirë, kanë pengesa dhe çështje ligjore të konsiderueshme.
Bricjapi – 2 yje
Çështja punë dhe shëndet nuk ka qenë mirë ose një lajm që lidhet me avancimin e punëve dhe projekteve nuk ka qenë pozitiv, çështje me shtetin që do t’u dalin përpara, duhet të kenë kujdes. Nuk duhet të entuziazmohen shumë.
Ujori – 4 yje
Afërdita në Ujor do të bëjë një lidhje shumë të bukur me Jupiterin në Binjak dhe është periudha më me fat në udhëtim, kontakte, biseda, çështje ekonomike sepse është një ditë që i relakson dhe i nxjerr nga momenti i krizës, dyshimit dhe pasigurisë.
Peshqit – 3 yje
Data 18 është pak e rrezikshme. Fillimi i javës, hëna e plotë në Binjak nuk është shumë e mirë për projektet e tyre në punë dhe në familje. Rreth datës 20 përmirësojnë ekonominë, planet, projektet dhe marrin një përmirësim të dukshëm.
