Arbana Osmani ka bërë një ndryshim të madh në karrierën e saj, duke ndarë rrugët me “TOP Channel” për t’u përqendruar në zhvillimin e projekteve të saj personale.
Moderatorja e njohur ka vendosur të fokusohet më shumë në biznesin e saj “Bana’s”, si dhe në emisionin “Mirëmbrëma yje”, të cilin e transmeton në platformën YouTube.
Përveç projekteve të saj, Arbana ka përdorur llogarinë e saj në Instagram për t’u afruar më shumë me ndjekësit.
Ajo realizoi një “Më pyet diçka” në Instagram, ku u dha mundësinë fansave të bëjnë pyetje mbi jetën dhe karrierën e saj.
Një prej pyetjeve që iu bë ishte lidhur me mundësinë e një edicioni të ri të “Big Brother” me të si moderatore. Përgjigjja e Arbanës ishte e shkurtër dhe epike: “Ok, ecim”.
Kjo përgjigje ka ngjallur spekulime dhe interesim tek ndjekësit, duke lënë të hapur mundësinë që ajo të rikthehet në këtë spektakël të njohur.
