Zjarret shkatërruese në Los Angeles kanë marr një tjetër jetë.
Aktorja 95-vjeçare Dalyce Curry e cila njihej si “Momma De” është gjetur e vdekur në shtëpinë e saj në një nga zonat më të prekura nga zjarri Altadena, Kaliforni ku sipas mbesës së saj shtëpia e saj është djegur nga zjarri i Easton.
Lajmi është bërë i ditur nga një postim i mbesës së saj në rrjetin social “Facebook”, ku shkruan:
“Ajo ndikoi në jetën time në shumë mënyra. Kjo humbje është shkatërruese.”
Aktorja e “The Blues Brothers” ishte parë për herë të fundit në 7 janar pasi ajo kishte qëndruar në shtëpi pas qëndrimit të saj në spital.
“Kur Kelley ishte në gjendje të inspektonte shtëpinë më 10 janar, mbeti pak dhe gjyshja e saj nuk gjendej askund”, sipas ABC7.
Pjesë e “Hollywood”-it që në vitet 1950, Curry ka pasur një karrierë të gjatë si aktore duke luajtur në filma të njohur si The Ten Commandments, The Blues Brothers, dhe Lady Sings the Blues.
“Gjithçka ishte shkatërruar, përveç Cadillac-it të saj të kaltër,” tha Kelley për ABC7.
