Spektakli i së hënës u shoqërua me momente tensioni dhe replika të forta mes Labinot Rexhës dhe Olta Gixharit, duke tërhequr vëmendjen e publikut dhe duke nxitur diskutime të shumta në rrjetet sociale.
Përplasja verbale ndodhi gjatë transmetimit live, ku Rexha nuk i kurseu kritikat ndaj aktores. Labi e ironizoi Oltën duke vënë në dyshim forcën e saj si lojtare në formatin Big Brother.
Ai u shpreh se nuk kishte interes të dëgjonte lojën e saj, pasi sipas tij, po të kishte qenë vërtet një konkurrente e fortë, do të kishte arritur të fitonte vendin e parë në Big Brother VIP Albania.
“Nuk kam nevojë as lojën tënde ta dëgjoj, sepse po të kishe qenë ti e fortë, do e kishe fituar atje vendin e parë”, u shpreh Rexha gjatë debatit.
Nga ana tjetër, Olta reagoi menjëherë, duke mos e lënë pa përgjigje deklaratën e tij.
“Aha, çka kam fituar unë, ti e ëndërron atë që kam fituar unë. Noti, mos fol për lojën time se të kisha qenë unë aty brenda ti tre ditë nuk i bëje në atë shtëpi. Do kishe bërë valixhet e do kishe dalë jashtë”, ishte përgjigjja e prerë e Oltës.
