Ish-banorja e edicionit të parë të “Big Brother VIP”, Einxhel Shkira, i ka shqetësuar ndjekësit me një postim në rrjetet sociale. Përmes fotografive të publikuara në “Instastory”, ajo ka treguar se ndodhet në spital.
Moderatorja shfaqet e shtrirë në shtrat me serum dhe pajisje mjekësore, duke zbuluar se ka pësuar një dëmtim që ka kërkuar ndërhyrje mjekësore.
Në një nga postimet e saj, Einxhel shkruan me humor se fillimisht e kishte marrë situatën lehtë, por rezultoi se dëmtimi ishte më serioz nga sa kishte menduar.
Ajo tregon se kishte thyer krahun, ndërsa më pas shton se tani po “kompenson” me këmbën, duke e trajtuar situatën me nota ironie.
Po ashtu, Shkira ka ndarë dhe një foto te partnerit te saj, Dj Dagz, i cili ndodhet pranë saj në këto momente të vështira.
“Dagz i ka ngel merak që s’ka qenë kur kam thyer krahun. Po e kompenson me këmbën tani”, shkruan Einxhel me humor krahas fotos ku partneri i saj është i shtrirë në divanin e dhomës së saj.
