Një debat i ashpër gati në përplasje fizike ka ndodhur mëngjesin e sotëm mes dy banorëve të “Big Brother Vip 4”.
Dy banorët, Gjesti dhe G Bani janë konfliktuar ashpër, ku nuk kanë munguar as fyerjet.
Mes provokimeve të vazhdueshme, Gjesti ka tentuar sërish sot të zgjojë G Banin. Ky i fundit nuk e ka pritur aspak mirë dhe ka filluar ta ndjekë nga pas.
Në një moment, duket sikur situata ishte gati të agravonte në përplasje fizike pasi G Bani ka ngritur grushtin ndaj Gjestit. Mirëpo ky i fundit, sërish nuk i ka ndalur provokimet duke vijuar më pas edhe jashtë dhomës së gjumit.
Kjo përplasje e ashpër vjen vetëm pak orë para nisjes së spektaklit të sotëm. Sonte do të zbulohen masat dhe vendimi i zarfit të zi që mbërriti në shtëpi mbrëmjen e djeshme.
