Një incident i paprecedent ka ndodhur ditën e sotme në shtëpinë e “Big Brother VIP Albania”,
duke shkaktuar reagime të shumta brenda dhe jashtë shtëpisë. Gjatë një sfide të vendosur nga “Vëllai i Madh”, situata doli jashtë kontrollit dhe ka shkaktuar zemërim te publiku dhe te disa nga banorët, shkruan InfoKosova.
Sipas rregullave të sfidës, banorët duhej të puthnin njëri-tjetrin sa herë që dëgjohej kënga “Kiss Kiss”. Mirëpo, ajo që tërhoqi vëmendjen ishte veprimi i banorit Jozi, i cili tentoi të puthë në buzë me zor banoren Loredana, pavarësisht rezistencës së saj.
Loredana, e cila u ndje qartësisht në siklet, u përpoq ta largonte Jozin dhe shfaqi nervozizëm të dukshëm, por ai vazhdoi me përpjekjet e tij. Sjellja e tij ka shkaktuar indinjatë, duke ngritur pikëpyetje mbi kufijtë e respektit dhe etikës në shtëpinë e famshme.
Ky veprim ka provokuar reagime të menjëhershme në rrjete sociale, ku ndjekësit e spektaklit kërkojnë që produksioni të marrë masa të rrepta ndaj këtij incidenti. Publiku ka theksuar rëndësinë e respektimit të kufijve personalë dhe ka bërë thirrje që situata të mos tolerohet nga “Vëllai i Madh”.
Deri tani, produksioni ende nuk ka reaguar zyrtarisht për këtë ngjarje, por pritet që çështja të diskutohet në episodet e ardhshme. Ndërkohë, shumë ndjekës kërkojnë ndëshkim për Jozin dhe një ndjesë publike ndaj Loredanës për situatën e papërshtatshme dhe të pakëndshme që iu shkaktua.
Ngjarje të tilla rikthejnë në vëmendje rëndësinë e krijimit të një mjedisi të sigurt për të gjithë pjesëmarrësit në formatet televizive, ku respekti dhe etika duhet të jenë prioritet absolut./InfoKosova/
Shiko videon:
View this post on Instagram
