Neda Balluku ka qenë në ‘lupën’ e medias rozë këtë periudhë për faktin se ka deklaruar me shumë dinjitet se martesa e saj me Ogrenin ka përfunduar.
Mbrëmjen e djeshme, ajo ishte e ftuar në “Goca dhe Gra”, një intervistë e planifikuar prej kohësh. Ish-opinionistja e Big Brother foli pa drojë për divorcin pas 15 vitesh bashkëjetese me babain e tre fëmijëve të saj, si dhe për botimin e librit të saj “I dashur, ti je trap”.
Neda ishte ulur krah Rozana Radit, me të cilën pati përplasje të forta gjatë “BBV”, ku Rozana ishte konkurrente, ndërsa Neda opinioniste, dhe dukshëm kishte hatërmbetje mes tyre.
“Libri del kur divorci bëhet publik, është një rastësi?” e pyeti Rozana Nedën, ndërsa kjo e fundit iu përgjigj: “Nga ty e pres këtë pyetje, por sigurisht që është tërësisht rastësi, sepse nuk bëhen shaka me gjërat e jetës. Unë di ta ndaj shumë mirë punën time publike dhe situatat e mia familjare.”
Më tej, Rozana e pyeti Nedën se si e menaxhon dashurinë në ekran, kur dashuria e saj po përballet me dyert e gjykatës, ndërkohë që është autore e një programi dashurie si “Përputhen”, ku ‘mëson’ rininë si të dashurohet.
“Ti t’i thuash një gruaje që sapo ka humbur një dashuri të vetën të madhe, se si do shkosh t’ua mësosh të rinjve, nuk është ok”, tha Neda, pasi u shpreh se nuk është detyra e autorëve të mësojnë të rinjtë si të dashurojnë, por janë ata që i tregojnë publikut se si dashuron brezi i ri.
“Duke qenë se nuk e keni ‘sapo humbur’, por thatë që kemi disa vite që jemi ndarë, nuk qëndron kjo që thatë”, ia ktheu Rozi.
Më tej, një tjetër pyetje që Rozi i bëri Nedës ishte: “Pamë kopertinën e librit tuaj dhe ju mbanit mbiemrin e ish-bashkëshortit. Do vazhdoni ta mbani mbiemrin e tij?”
“Unë mendoj që është një linjë shumë e hollë ndërmjet të ndarit biseda shumë të rëndësishme dhe llafe grash, edhe pyetja jote që sapo bëre është pak llafe grash”, tha Neda duke qeshur në mënyrë ironike.
Rozana: “Jo, mbiemri nuk është llafe grash.”
Neda: “Ka mbaruar Big-u, Rozana.”
Rozana: “Nëse nuk mund të përgjigjesh thuaj thjesht ‘nuk di’ ose ‘nuk mund të përgjigjem’.”
