Një vajzë 5-vjeçare i mori jetën vëllait të saj të porsalindur duke e hedhur nga një lartësi prej 12 metrash, nga dritarja e katit të 4-të ku jetonin, në Vasilyev të Rusisë.
Vajza e vogël, sipas raportimeve, ishte vetëm në shtëpi me foshnjën 21-ditëshe, pasi nëna e tyre ishte larg me burrin e saj në punë.
Kalimtarët dëgjuan një vajzë duke bërtitur nga një dritare e katit të katërt dhe më pas panë foshnjën në beton, ku u shpall e vdekur me mbërritjen e shpëtimtarëve.
“Një çështje penale është hapur për vdekjen e foshnjës”, tha Komiteti Hetimor Rus dhe ajo tani përballet me burgim.
Hulumtuesit po hetojnë nëse 5-vjeçarja ishte “xheloze” për foshnjën e porsalindur dhe gjithashtu se pse dy fëmijët ishin vetëm në shtëpi.
Një raport deklaroi se nëna e saj po vizitonte një shoqe dhe mbeti vetëm.
Një tjetër raportim që citon burime lokale tha: “Vajza më e madhe ishte e mërzitur që kishte një fëmijë tjetër në apartament dhe nga xhelozia e hodhi foshnjën nga dritarja.”
Kreu i rajonit Zelenodolsk të Tatarstanit, Mikhail Afanasyev, tha: “Oficerët e policisë po hetojnë situatën.
“Shpreh ngushëllimet e mia familjes së foshnjës dhe u bëj thirrje të gjithë prindërve të jenë vigjilentë dhe të mos i lënë kurrë fëmijët e tyre vetëm”, shtoi ai.
