Moderatorja Dojna Mema ka reaguar në rrjetet sociale pas deklaratës së Kiara Titos në emisionin “Goca & Gra”,
e cila tha se ishte Dojna ajo që e kishte hequr nga Instagrami, duke publikuar një bisedë private si provë dhe duke u shprehur qartë se nuk i trembet të vërtetës.
Ky debat mes dy moderatoreve nisi pasi Dojna Mema rrëfeu në “Mirëmbrëma Yje” se Kiara Tito e kishte hequr (unfollow) nga Instagrami.
Kiara, nga ana tjetër, e mohoi këtë, duke thënë se ishte Dojna ajo që e kishte hequr e para.
Në një reagim të menjëhershëm, Dojna postoi në InstaStory një bisedë të vjetër në WhatsApp, ku shkruhej: “Hiqe Kiara Titon. Pale ça i duket vetja”.
Më pas, ajo shpërndau një mesazh të gjatë ku theksonte qartë se gjithmonë i thotë të vërtetën:
“Mua kur më bëjnë një pyetje direkte, qoftë kjo edhe para kamerave, kam mjaftueshëm këllqe për të dhënë përgjigje të drejtpërdrejta. E bëj edhe për rehatinë time, s’më duhet të mbaj mend gënjeshtrat e të përfundoj duke i besuar edhe vetë.”
Duke iu referuar kësaj çështjeje si “temë e varfër”, Dojna Mema la të kuptohet se nuk dëshiron ta zgjasë më tej këtë debat publik, ndërsa theksoi: “Unë as nuk fola keq për të.”
