Dashi (vlerësimi 6 pikë)
Intuita juaj rezultoi të ishte e saktë. Situata në punë paraqitet më kërkuese nga sa pritej, duke ju imponuar të rishikoni përparësitë tuaja. Megjithatë, kjo trysni do t’ju ndihmojë edhe në menaxhimin e marrëdhënieve personale. Brenda familjes duhet ta dëgjoni më shumë njëri-tjetrin, ndërsa në planin sentimental do të keni çaste afërsie të thellë me partnerin të ndërthurura me periudha heshtjeje, që nuk duhen nënvlerësuar. Nëse do të dini të jeni më praktikë, edhe zgjidhjet do të vijnë vetvetiu.
Demi (vlerësimi 5 pikë)
Në fillim të javës do të keni ndjesinë se gjërat nuk po ecin mirë, veçanërisht në fushën profesionale, ku disa dinamika përsëriten pa hapur horizonte të reja. Kjo pasiguri pasqyrohet edhe në marrëdhëniet sentimentale, të cilat shfaqen më të brishta. Brenda familjes, keqkuptime të vogla mund të marrin përmasa më të mëdha, nëse nuk trajtohen me takt. Do të mund të gjeni ngushëllim te miqtë tuaj, por gjithsesi do të mbeteni të pakënaqur. Bëhuni më praktikë, në mënyrë që të shmangni vonesat dhe pengesat e vogla. Yjet ju këshillojnë të bëheni të duruar në lidhje me atë që mund të ndodhë.
Binjakët (vlerësimi 7 pikë)
Një propozim i papritur hap horizonte të reja, por shqyrtojeni me kujdes përpara se ta pranoni. Në punë mbizotëron një klimë dinamike, por edhe e tensionuar. Marrëdhëniet sentimentale hyjnë në një fazë më të zjarrtë, ku dialogu shërben për të sqaruar keqkuptimet e hershme. Në familje do të jeni më të bashkuar, ndërsa miqtë do t’jua lehtësojnë barrën emocionale. Organizimi i mirë i gjërave do t’ju vijë shumë në ndihmë në çështjet praktike. Në fund të javës do të ndiheni më të realizuar dhe të hapur ndaj risive.
Gaforrja (vlerësimi 8 pikë)
Një gjest i butë do të sillte më shumë mirëkuptim në marrëdhëniet më të afërta. Në punë duket se gjithçka po shkon mirë, por edhe në planin emocional po vërehen ndryshime të mëdha. Marrëdhëniet shpirtërore po bëhen më të ngrohta. Brenda familjes mbizotëron qetësia, ndërsa miqësitë sjellin frymëzim, sidomos në fushën krijuese. Çështjet praktike do të dini t’i trajtoni me kthjelltësi, duke shmangur humbjet e kohës dhe të energjisë. Gjatë javës do të mbizotërojë ekuilibri dhe harmonia në jetën tuaj.
Luani (vlerësimi 9 pikë)
Një vendim i marrë nxitimthi mund të rezultojë më i drejtë nga sa mendohej fillimisht, sidomos në sferën profesionale, ku aftësia për t’u përshtatur bën ndryshimin. Marrëdhëniet shpirtërore do të bëhen më të ngrohta dhe më të forta. Në familje do të ulet tensioni falë një ballafaqimi të sinqertë. Miqtë do t’ju ofrojnë mbështetje në kohë pasigurie. Edhe çështjet praktike gjejnë rrugëzgjidhje falë një menaxhimi më elastik. Këtë javë do të jeni shumë produktivë.
Virgjëresha (vlerësimi 7 pikë)
Një ide e kultivuar në heshtje merr formë dhe shndërrohet në një projekt të prekshëm, duke sjellë një frymë të re. Në punë, krijimtaria do t’ju vijë në ndihmë për të kapërcyer pengesat me hijeshi. Marrëdhëniet shpirtërore do të bëhen më të ngrohta dhe të afërta, duke ju hapur horizonte të reja. Në familje, një tension i brendshëm shuhet falë një dialogu të sinqertë, ndërsa miqësitë gjallërohen e bëhen më të forta. Çështjet praktike do të zgjidhen lehtë, duke ju lënë hapësirë për të eksperimentuar.
Peshorja (vlerësimi 8 pikë)
Një ballafaqim i ndodhur thuajse rastësisht, ju hap rrugën për t’u sqaruar dhe pajtuar. Në fushën profesionale, yjet paralajmërojnë një periudhë të mirë, ku aftësia për të ndërmjetësuar bëhet vendimtare për të kapërcyer tensione të fshehta. Në planin shpirtëror do të rizbuloni kënaqësinë e ndarjes së gjërave pa rezerva. Marrëdhëniet familjare do të bëhen më të ngrohta falë një gjesti të thjeshtë, por plot domethënie, që rikthen ekuilibrin aty ku mbretëronte shqetësimi. Edhe miqësitë bëhen më të sinqerta, duke sjellë frymëzim e lehtësim. Nëse do të dini të tregoheni më metodikë dhe të ndjeshëm në trajtimin e çështjeve praktike, do të gjeni edhe zgjidhje më të qëndrueshme.
Akrepi (vlerësimi 6 pikë)
Një fjalë e pathënë peshon më shumë se mijëra biseda, dhe kjo javë e dëshmon fuqishëm. Dinamikat profesionale bëhen më të ndërlikuara, jo aq nga pengesat konkrete, sa nga vështirësia e komunikimit të ngadaltë. Në sferën e dashurisë, heshtja do të bëhet shkak për të ngritur mure ndarëse mes jush dhe partnerit. Brenda familjes, gjestet e vogla të përditshme ndihmojnë në ruajtjen e një ekuilibri të brishtë, por nuk mjaftojnë për të ulur tensionin. Miqësitë ofrojnë ngushëllim, edhe pse jo gjithmonë arrijnë të çajnë guaskën emocionale të krijuar. Çështjet praktike kërkojnë vëmendje të veçantë, sidomos në planin financiar.
Shigjetari (vlerësimi 7 pikë)
Një shkëndijë entuziazmi do të ndihet në fillim të javës, duke kthyer edhe situatat më të zakonshme në mundësi për zhvillim. Në punë do të fillojë një fazë zgjerimi, për të cilën do t’ju vijë shumë në ndihmë intuita juaj. Marrëdhëniet shpirtërore do të bëhen më të ngrohta dhe të afërta. Brenda familjes do të mbizotërojë një frymë lehtësimi, ndërkohë që miqtë do t’ju mbështesin. Çështjet praktike rrjedhin natyrshëm, duke lënë hapësirë për projekte të reja. Çdo zgjedhje që do të bëni tani do të ndikojë në të ardhmen.
Bricjapi (vlerësimi 6 pikë)
Ndjenja e përgjegjësisë do t’ju ndihmojë në çdo hap që do të hidhni, por mundohuni që ndonjëherë t’i merrni gjërat më lehtë. Në fushën profesionale duhet të tregoheni rigorozë, edhe pse lodhja e akumuluar fillon të ndihet. Marrëdhëniet shpirtërore hyjnë në një fazë reflektimi, ku nevoja për qartësi mbizotëron mbi pasionin. Brenda familjes kërkohet stabilitet, por jo gjithmonë jeni të gatshëm për dialog. Do të gjeni ngushëllim te miqtë, por shpresoni gjithsesi për lidhje më të thella. Për të zgjidhur çështjet praktike do të tregoheni metodikë, por pa atë gjallërinë e nevojshme.
Ujori (vlerësimi 10 pikë)
Falë intuitës suaj të ndritur, kjo do të jetë një javë e pazakontë. Në punë, çdo nismë duket se gjen terren pjellor, me rezultate që tejkalojnë pritshmëritë. Marrëdhëniet shpirtërore do të jenë intensive dhe autentike, me gjeste që flasin më shumë se fjalët. Në familje do të forcohen ekuilibrat që dikur dukeshin të lëkundshëm, ndërsa miqësitë bëhen burim frymëzimi dhe lehtësie. Do të jeni shumë të saktë në zgjidhjen e çështjeve praktike dhe njëkohësisht do të bëni edhe plane të reja. Duket se në çdo fushë të jetës gjërat do t’ju ecin mirë.
Peshqit (vlerësimi 6 pikë)
Do të përjetoni emocione të thella, që do t’ju ndikojnë në çdo fushë të jetës gjatë kësaj jave. Në punë do të keni një situatë të paqëndrueshme, me të cilën duhet të përshtateni dhe të bëni durim. Marrëdhëniet shpirtërore ecin mbi terren të brishtë, ku çdo fjalë mund të bëhet urë ose pengesë. Do të kërkoni ngushëllim brenda familjes, por jo gjithmonë do të merrni përgjigjen që dëshironi. Miqtë do t’ju ofrojnë mbështetje, edhe pse nuk do t’jua largojnë dot hijen e melankolisë. Çështjet praktike ndërlikohen, sidomos për shkak të shpërqendrimeve që edhe mund t’i shmangnit.
