Fier-Ka ndërruar jetë sot në Spitalin e Traumës në Tiranë, Kreshnik (Tomani) Barjami, 35 vjeç,
i cili prej 10 ditësh ndodhej në gjendje kome pas një aksidenti rrugor të ndodhur më 24 gusht, pranë Shkollës së Muzikës në Fier.
Pavarësisht ndërhyrjeve mjekësore dhe kujdesit intensiv, plagët e marra në aksident kanë rezultuar fatale për të riun, i cili ishte edhe babai i 3 fëmijëve.
Aksidenti ndodhi në lagjen “Liri Gero”, në Fier ku 35-vjecari u përplas nga mjeti ‘Land Rover’, teksa ishte duke kaluar rrugën.
Autori u arrestua në flagrancë nga policia për veprat penale “shkelja e rregullave të qarkullimit rrugor” dhe “drejtimi i mjetit në mënyrë të parregullt”, ndërsa drejtonte mjetin pa patentë.
