Me një postim prekës në rrjetet sociale, Orinda Huta ka njoftuar ndarjen nga jeta të babait të saj të dashur, Isuf Huta.
Ai ndërroi jetë më 5 korrik, duke lënë pas dhimbje të madhe në familje dhe te të gjithë ata që e njihnin.
Orinda e ka shoqëruar lajmin me një mesazh emocional ku thekson: “Ne kemi qenë të bekuar nga prezenca e tij në jetë dhe do mbesë gjithmonë në kujtimet tona”.
Në një tjetër story të ndjerë, ajo ka publikuar një moment të fundit me të atin duke shkruar: “Kërcimi ynë i fundit babo”, një dedikim që ka prekur ndjekësit dhe fansat e saj.
Homazhet për Isuf Hutën po mbahen në Alba 2000 te Rruga e Dibrës në Tiranë, ndërsa ceremonia e varrimit do të zhvillohet më 7 korrik në orën 17:00 në Tufinë.
