Një aksident i rëndë ka ndodhur në aksin e vjetër Thumanë-Fushe Kruje ku një person ka ndërruar jetë, dhe tre të tjerë kanë mbetur të plagosur. Ngjarja ka ndodhur paraditen e kësaj të mërkurë në afërsi të Borizanës.
Mësohet se dy automjete tip “Mercedes” janë përplasur me njëra-tjetrën e për pasojë është regjistruar bilanci tragjik, ku e vdekur ka mbetur pasagjerja Bedrije Saja.
Ndërsa të plagosur, shoferja e një prej mjeteve, Mavlina Kani si dhe dy pasagjerët Idriz Saja dhe Lindita Saja.
Policia ndodhet në vendin e ngjarjes dhe po punon për zbardhjen e plotë të saj ndërkohë që lidhur me këtë aksident pritet një reagim zyrtar nga blutë.
“Fushë Krujë/Informacion paraprak
Rreth orës 11:00, në aksin rrugor “Fushë Krujë – Borizanë”, automjeti me drejtuese shtetasen M. K., rreth 30 vjeçe, është përplasur me automjetin me drejtues shtetasin I. S., rreth 50 vjeç.
Si pasojë ka humbur jetën pasagjerja në automjetin me drejtues shtetasin I. S., nëna e tij, shtetasja B. S., rreth 85 vjeçe, si dhe janë dëmtuar 2 drejtuesit e automjeteve dhe pasagjerja tjetër në automjetin me drejtues shtetasin I. S., të cilët ndodhen në spital, në kujdesin e mjekëve.
Grupi hetimor ndodhet në vendngjarje dhe po punon për zbardhjen e rrethanave të rastit.
Materialet procedurale iu referuan Prokurorisë së Tiranës, për veprime të mëtejshme”, njofton policia.
