Moderatorja e njohur Bora Zemani ka reaguar me një postim të drejtpërdrejtë në InstaStory ndaj këngës virale “Dame Un Grr”, e cila është bërë pjesë e pandashme e videove në rrjetet sociale kohët e fundit.
Kënga është përhapur me shpejtësi në TikTok dhe Instagram, duke u përdorur si sfond për video të shumta nga figura publike në Shqipëri dhe jashtë saj. Por ndryshe nga shumica, Bora nuk është aspak entuziaste për këtë trend.
“Kjo këngë më del kudo! Nuk më pëlqen! Madje më bezdis shumë! Por Instagrami vazhdon të ma sugjerojë,” shkroi ajo.
Ajo shtoi me ironi se e ka përdorur këngën në një video vetëm për t’i “bërë qejfin algoritmit”, me shpresën që kjo të ndihmojë sistemin ta identifikojë si të përdorur dhe të mos ia sugjerojë më.
“Sigurisht, nuk është ndonjë problem serioz… kemi halle më të mëdha. Por në këtë moment, për mua, ky ishte,” përfundon moderatorja në mesazhin e saj, duke e shoqëruar me mirënjohje për ata që “e lexuan, edhe pse s’ju hyn fare në punë kjo që lexuat”.
Nuk dihet nëse Bora Zemani ka ironizuar njëkohësisht artistët shqiptarë si Egli Tako apo së fundmi Gjesti, të cilët e kanë përdorur këtë këngë në videot e tyre dhe kanë shkuar mjaft viral.
