Ndarja mes Ledri Vulës dhe Sara Hoxhës ka qenë një ndër zhvillimet më të komentuar kohët e fundit në mediat rozë dhe rrjetet sociale.
Tashmë mbi këtë temë ka reaguar edhe nëna e artistit, Xheraldina Vula, e cila në një intervistë për “Klan Kosova” është shprehur hapur për mënyrën si e ka përjetuar familja lajmin.
“[Na ka lënduar]. Asnjë prind nuk gëzohet kur fëmija i tij ndahet, sidomos kur bëhet fjalë për një çift që ka qenë aq i mirë së bashku.
U ndjemë shumë keq, ishte befasuese për ne” tha ajo.
Xheraldina theksoi se ndonëse ndarja nuk ka qenë e lehtë për familjen, ata e respektojnë vendimin e dy të rinjve.
”Nuk kemi pasur qejf fare, por të rinjtë nuk na pyesin. Ata bëjnë zgjedhjet e tyre.”
E pyetur për marrëdhënien me ish-partneren e djalit, ajo u shpreh se lidhja e saj me Sarën nuk ka ndryshuar:
“Unë me Sarën vazhdoj të kem të njëjtën lidhje. Nuk ka asnjë antagonizëm mes nesh. Ajo vazhdon të kujdeset për vajzën, e sjell tek gjyshja, vjen e na viziton. Gjërat janë shumë korrekte mes nesh”.
