ChatGPT, nga shqiptarja Mira Murati tashmë dihet se është bërë një nga aplikacionet më të përdorur kudo në botë dhe në Shqipëri. Aplikacioni është i pesti më i përdorur në botë, ndërsa në Kosovë edhe më shumë se në Shqipëri.
VIP-at duket se janë fiksuar pas këtij aplikacioni, ku një rast është moderatorja Einxhel Shkira e cila sipas rrëfimit të partnerit të saj DJ Dagz, ka debatuar dhe e ka “detyruar” t’i kërkoj falje.
”Nuk e përdor se e kam një njeri në shtëpi që kur nuk ka çfarë bën hyn flet me ChatGPT, dmth me orë të tëra, është gruaja jem, Enxhi. Ia nis me debatu, se e ka në gjak. Rasti i fundit është edhe një debat. Emri i djalit të dytë Kres. Edhe duke folur, i përgjigjet që është emër sllav, nuk përfshiu asnjë gjë shqiptare.
Enxhi si Enxhi, një person që nuk lëshon pe në këto momente. Dhe ka nis dhe ia ka shpjegu se çfarë do të thotë Kres. ChatGPT i ka kërkuar falje dhe do nga ai moment mori informacione se kres është lider, kokë, mend e kokës.” – ka treguar Dagz.
