Një nga ngjarjet më të rëndësishme astrologjike të vitit 2025 sapo ka ndodhur. Më 24 maj, Saturni – planeti i disiplinës, strukturës dhe karmës
– ka hyrë në shenjën e zjarrtë të Dashit, për herë të parë që nga viti 1996. Kjo lëvizje shënon fillimin e një cikli të ri që do të zgjasë deri në prill 2028.
Astrologët paralajmërojnë se kjo periudhë do të sjellë përplasje mes forcës konservatore të Saturnit dhe energjisë impulsive të Dashit. Dashi është një shenjë që vepron pa menduar shumë, ndërsa Saturni kërkon planifikim dhe durim – një kombinim që mund të rezultojë shpërthyes por edhe jashtëzakonisht ndërtues, nëse përdoret si duhet.
Kjo hyrje e Saturnit në Dash është veçanërisht domethënëse për individët që kanë lindur në vitet 1996-1998, pasi ata do të përjetojnë të ashtuquajturin “kthimi i parë i Saturnit” – një fazë jetike e pjekurisë dhe vendimmarrjes, e cila zakonisht sjell sfida të mëdha dhe rritje personale.
Ndikimi do të ndihet më fort tek shenjat kardinale – Dashi, Peshorja, Gaforrja dhe Bricjapi – por edhe të gjithë ne do të ndjejmë një thirrje për të ristrukturuar mënyrën si veprojmë, vendosim kufij dhe përballojmë sfidat.
Në kohë ndryshimi, astrologjia rikujton se përmes disiplinës dhe guximit mund të ndërtojmë një version më të qëndrueshëm të vetes sonë.
Saturni në Dash nuk vjen për të na ndëshkuar por për të na rritur.
/Prive By Liberta Spahiu
