Shqipëria është gati të mirëpresë më 16 maj Samitin e Komunitetit Politik Europian, një ngjarje e rëndësishme që do të mbledhë në Tiranë dhjetëra liderë nga e gjithë Europa.
Takimi i nivelit të lartë do të zhvillohet në sheshin “Skënderbej”, ku është ngritur një strukturë e posaçme për të pritur delegacionet dhe liderët pjesëmarrës.
Kryeministri Edi Rama ka përcjellë një mesazh simbolik në rrjetet sociale, duke nënvizuar rëndësinë historike dhe politike të këtij momenti për vendin.
Ai iu drejtua edhe figurës së heroit kombëtar, Gjergj Kastrioti Skënderbeu, me fjalët: “Më 16 maj të gjithë ata do të mblidhen nga të katër anët e Europës në sheshin tënd o Mbret dhe ne, stërnipërit e tu, do të jemi krenarë për emrin e Shqipërisë sonë, që do të shqiptohet në të gjitha gjuhët e botës.”
/vizionplus.tv
