Në prag të zgjedhjeve të 11 majit 2025, astrologia e njohur Meri Gjini ka bërë një parashikim të fortë në emisionin “7pa5”
në Vizion Plus me moderatorët Alma Çelaj dhe Syrjan Rahova, duke dhënë sinjale për atë që mund të ndodhë mes dy rivalëve kryesorë politikë: Sali Berisha dhe Edi Rama.
Sipas Gjinit, yjet janë shumë më favorizuese për kryeministrin aktual Edi Rama,
ndërsa Sali Berisha përballet me një konstelacion që sjell përplasje dhe vështirësi të mëdha.
Sali Berisha – Peshore: “Planeti i fatit favorizon shenjat e ajrit, por në rastin e Berishës, Marsi, planeti i veprimit është vendosur ekzaktësisht mbi Plutonin e tij. Kjo sjell përplasje dhe e bën të vështirë arritjen e qëllimeve.
Mars mbi Pluton është një përballje e fortë dhe shpesh penguese”, shpjegon astrologia.
Edi Rama – Gaforre: “Kryeministri ka planetin e fatit të pozicionuar pikërisht mbi Venusin e tij.
Ndërkohë, në datën 11 në të gdhirë të datës 12, Mërkuri kalon mbi Hënën e tij, çka tregon komunikim të qartë dhe ndikim pozitiv. Ai është i ndihmuar fuqishëm nga yjet dhe fati”, thekson Gjini.
Me këtë analizë astrologjike, Meri Gjini lë të kuptohet se fati dhe energjia planetare janë në anën e Ramës, duke i dhënë atij një avantazh të dukshëm në këtë përballje të rëndësishme politike.
/vizionplus.tv
