E ftuar në emisionin “Glamour Zone”, ish-banorja e “Big Brother VIP Albania 4”,
Arsida Çerpja ka ndarë për herë të parë detaje të pathëna rreth një denoncimi që kishte planifikuar të bënte pas eksperiencës në reality show, por që më vonë vendosi ta tërhiqte.
Në një rrëfim të sinqertë, Arsida tregoi se në fillim kishte marrë vendimin për të vazhduar me denoncimin ndaj G Banit.
Megjithatë, gjithçka ndryshoi pas një komunikimi të drejtpërdrejtë me të, ku G Bani, sipas saj, reagoi në një mënyrë “profesionale dhe prekëse”.
“Unë e kisha vendosur që do shkoja përpara. Pastaj ai, si profesionist që është, e bëri shumë bukur pjesën e tij dhe mua vërtetë më preku, edhe nga mënyra sesi foli,” — u shpreh Arsida.
Pas këtij vendimi, Arsida tregoi se kishte komunikuar edhe me opinionistin Arbër Hajdari, i cili e këshilloi që të mos e vijonte më tej këtë çështje.
“Fola dhe me Arbrin, më tha: ‘Lëre këtë eksperiencë’. Pastaj mora ofendime të tjera nga publiku, sepse pse e mbylla,” — shtoi ajo, duke treguar se presioni dhe kritikat nga rrjetet sociale nuk munguan.
Rrëfimi i Arsidës hedh dritë mbi një anë të padukshme të eksperiencave në Big Brother VIP, ku sfidat nuk përfundojnë me daljen nga shtëpia, por shpeshherë vazhdojnë edhe në jetën reale.
