Spartak Ngjela është personazhi publik i radhës që ka komentuar çështjen që është në qendër të vëmendjes gjatë javëve të fundit, atë të fatit të Parashqevi Simakut.
Në një intervistë për Top Channel, Ngjela tha se Simaku u rrëzua nga emigrimi dhe nga bashkëshorti i saj. Teksa kujton Parashqevinë e viteve ’80, politikani thotë se në atë kohë ajo i la në hije të gjithë aktorë e kngëtarë me talentin dhe bukurinë e saj.
“Afektin emocional në skenë e kishte ndryshe nga koha. Dhe i vërtiti aktorët e mëdhenj që drejtonin Shqipërinë me talentin dhe bukurinë e saj sa sot shpifin… e dashuronin, e merrnin… siç e kanë shqiptarët”
Largimi nga atdheu, nga qendra e gravitetit. Atje je satelit. Dhe prandaj kanë dështuar, nuk është Simaku e para.
Një këngëtare e bukur që ka zë, ka talent, me të trija këto ka rreziqe, nga kush? Nga burri i saj. E gjithë tragjedia nga i shoqi i erdhi,” u shpreh Spartak Ngjela.
Ndër të tjera, trajtimit që i është situatës publikisht, Spartak Ngjela thotë se historia e saj është një film ndërsa episodi i dytë do të stratojë kur Parashqevi Simaku të ringjitet përsëri në skenë dhe njerëzit do të ndahen në kampe, ata që e duan dhe qe e urrejnë.
“Këtu është drama që e ka kthyer në një film. Njerëzit i lidhin dramën me figurën e bukur. Ky mund të jetë një moment tragjik i një këngëtareje të madhe siç është Simaku, prandaj është bërë fenomen shoqëror. Ata që janë xheloz ndaj saj e kritikojnë, por kuptohet që është mllef
Seria e dytë e filmit do fillojë kur Simaku të dalë në skenë, do ndahen ata që do e duartrokasin, xhelozët do thonë nuk është në nivelin e saj. Ajo mund të shkëlqejë siç ka qenë,” tha Ngjela.
