Në spektaklin e së martës në Big Brother VIP Albania 4, banorët u përballën me një lojë interesante, ku iu shfaqën disa tituj lajmesh të publikuara jashtë shtëpisë.
Detyra e tyre ishte të përcaktonin nëse lajmet ishin të vërteta apo të rreme, për të siguruar sa më shumë buxhet për javën në vijim.
Megjithatë, Egli dhe Jozi nuk morën pjesë në këtë lojë, pasi të dy kishin dalë më herët nga shtëpia dhe ishin rikthyer.
Ndër lajmet që tërhoqën më shumë vëmendje ishte një deklaratë e bërë nga gazetarja Dasara Karaiska, e cila publikisht kishte thënë se Jozi është homoseksual.
Sapo ky titull u shfaq në ekran, banorët shpërthyen në të qeshura, duke e cilësuar lajmin si të pavërtetë. Megjithatë, ndryshe nga sa pritej, lajmi rezultoi real, pasi ishte raportuar jashtë shtëpisë nga Karaiska.
Në atë moment, Jozi u duk i sikletosur nga situata dhe u përpoq ta kalonte me të qeshura, duke mohuar kategorikisht pretendimin.
